नृत्य - पानी मिठो

नृत्य (Dance) - ......हितैको मायालाई कैले भेटौला ?

00069

माया -!

     (प्रणय दिवशलाई सेरोफेरो पारेर माया,प्रेमलाई कविता रुपि साँचोमा ढाल्नु भएको बुनु अर्याल ज्युको यो            कवितालाई सबैले एकपटक त पढ्ने पर्ने जस्तो लगेर फेसबुक को भित्ताबाट साभार गरेर यहाँ प्रकाशित गर्ने      दुस्साहस गरेको छु। )                                                                                                 

                                             - बुनु अर्याल
न गरिन्छ माया,न टुंगिन्छ माया

पोख्दा पोख्दै, भरिन्छ माया
न तौलिन्छ माया, न नापिन्छ माया
थाहै नपाई, चुलिन्छ माया                                                                        
न आगो हो माया,न पानी हो माया
जल्दै नजली, खरानी हो माया
न शीत हो माया न घाँम हो माया
कहिल्यै नमेटिने प्यास हो माया
न बृद्ध हो माया, न यौबन हो माया
कहिल्यै न अस्ताउने तारा हो माया
 न भोक हो माया न तृप्ति हो माया
 कहिल्यै नभरिने घडा हो माया
न बसन्त हो माया,न शिशिर हो माया
दुख्दा दुख्दै, मुस्कान हो माया - !

Valentine's Day

प्रणय दिवस वा प्रेम दिवस (Valentine's Day) १४ फेब्रुअरीमा विश्वभर मनाइने दिवस हो । यो पर्व पादरी सेन्ट भ्यालेन्टाइनको वलिदानसँग सम्बन्धित छ । तत्कालीन रोमन सम्राट् क्लाउडियस द्वितीयले युवा प्रेम र विवाहतिर लागे सैनिक सेवा प्रभावित हुन्छन् भन्ने ठानेर यसलाई प्रतिबन्ध लगाएका थिए तर भ्यालेन्टान भने सम्राट्को निर्णयलाई धर्मविरुद्ध भन्थे । उनको बुझाइ थियो- अनुशासनको दायराभित्र हुने प्रेम र आकर्षणमा ईश्वर पनि खुसी हुन्छन् । त्यसैले उनले राजाज्ञा अवज्ञा गर्दै प्रेम र विवाहका लागि प्रेरित मात्र गरेनन् युवायुवतीका जोडीहरू तयार पारी सार्वजनिक स्थलमै सामूहिक विवाह कार्यक्रम सम्पन्न गरे र निषेधाज्ञा तोडेको आरोपमा उनलाई ई. पू. २७० को फेब्रुअरी १४ मा मृत्युदण्ड दिइएको थियो । प्रेमका लागि प्राण उत्सर्ग गर्ने उनै पादरीको सम्झनामा भ्यालेन्टाइन डे मनाउन थालिएको हो । विश्वभरि नै यस दिनलाई उत्सवको रूपमा मनाउने गरिन्छ ।

प्रेमको प्रतिकको रुपमा रातो गुलाबको फूललाई लियिने हुदा, प्रणय दिवस वा प्रेम दिवस (Valentine's Day) को दिन आफ्नो प्रेम प्रकट गर्न रातो गुलाबको फुल प्रेमी प्रेमिकाले एक आपसलाई दिने गरिन्छ। यो दिनमा रातो गुलाबको फुलको ठुलो व्यापार समेत हुने गरेको छ। बिशेष गरि यस दिनमा युवा युवती एक आपसलाई दिन रातो रंगको गुलाबको फुलको बिशेष माग हुन्छ। त्यसैले सामान्य गुलाबको फुलको मुल्यले समेत आकाश छोएको हुन्छ, यस दिनमा।    
तेस्तै, यस दिनमा आफ्नो प्रेमी प्रेमिकालाई आकर्षक उपहार दिने परम्परा समेत युवा युवतीहरुमा छ। जोडी हुनेहरु आफ्नो जोडीको रमाइलो कार्यक्रममा पुग्छन भने,जोडी नहुनेहरु पनि आफुलाई मनपर्नेलाई आफ्नो प्रेम प्रस्ताव ब्यक्त गर्नलाई बिशेष आजकै दिनलाई रोज्छन। 
हिजो आज बिशेष गरि भर्खरका किशोर किशोरीहरु यस दिनलाई व्यग्रताका साथ मनाउन तमसेका भेटिन्छन। त्यस्तै कता कता अलिक उत्छ्रिङ्खलता पनि नदेखिएको होइन प्रणय दिवश मनाउने क्रममा।