(प्रणय दिवशलाई सेरोफेरो पारेर माया,प्रेमलाई कविता रुपि साँचोमा ढाल्नु भएको बुनु अर्याल ज्युको यो कवितालाई सबैले एकपटक त पढ्ने पर्ने जस्तो लगेर फेसबुक को भित्ताबाट साभार गरेर यहाँ प्रकाशित गर्ने दुस्साहस गरेको छु। )
- बुनु अर्याल
न गरिन्छ माया,न टुंगिन्छ माया
न तौलिन्छ माया, न नापिन्छ माया
थाहै नपाई, चुलिन्छ माया
न आगो हो माया,न पानी हो माया
जल्दै नजली, खरानी हो माया
न शीत हो माया न घाँम हो माया
कहिल्यै नमेटिने प्यास हो माया
न बृद्ध हो माया, न यौबन हो माया
कहिल्यै न अस्ताउने तारा हो माया
न भोक हो माया न तृप्ति हो माया
कहिल्यै नभरिने घडा हो माया
न बसन्त हो माया,न शिशिर हो माया
दुख्दा दुख्दै, मुस्कान हो माया - !
No comments:
Post a Comment