खाँदा मिठो तिलको लड्डु ! Good for Health.

माघे संक्रातिलाई मकर संक्रातिको नामले समेत जानिन्छ। मकर संक्राति नेपालीहरुले मनाउने एउटा प्रमुख चाड हो। यो चाड बिशेष गरि थारु समुदायको ठुलो तथा प्रमुख चाड पनि हो। थारु समुदायको बिशेष चाड भएपनि देशै भरि यो चाडलाई मनाइन्छ। यस चाडमा घ्यू, चाकु, तिलको लड्डु, मुराई तथा चाकु मिलाएर बनाएको लड्डु र तरूल खाएर मनाइन्छ।
यसरी यस दिनमा खाइने सबै खानेकुराहरुबाट हाम्रो स्वास्थ्यको लागि केहि न केहि फाइदा नै हुन्छ, त्यस मध्ये जो कोहीलाई बनाउन सजिलो र सस्तो, अनि खादा अति मिठो तिलको लड्डुको कुरा गरिदै छ ।
- बिशेष माघे संक्रतिको दिन खाइने तिल र सक्खरको पाकबाट तयार पारिने लड्डू निकै  मिठो हुनाका
साथै यो हाम्रो स्वास्थ्यको लागि समेत लाभदायक हुन्छ। यसले फोक्सोलाई फाइदा पुर्याउछ साथै यसले शरिरमा जम्मा भएका बिषालु रसायन वा तत्वहरुलाई निष्काशन गराउने कार्यमा सहयोग गर्दछ।

- तिल र सक्खरको पाकबाट तयार परिने लड्डूमा प्रसस्त मात्रामा क्याल्सियम पाइन्छ, जून हड्डीलाई बलियो बनाउन तथा वृद्धि गर्न सहयोग गर्दछ।

- यसरी बनाइने लड्डुबाट शरिरमा हिट प्राप्त हुने भएकोले जाडोयाममा यसको उपभोग गर्दा बिशेष फाइदा हुन्छ।

 - तिलमा पाइने बिशेष तत्वले मानसिक स्वास्थ्यमा समेत सकारात्मक विकास हुने हुँदा यसको सेवनले अनावश्यक तनाव (टेन्सन) तथा डिप्रेसन बाट छुटकारा पाउन सकिन्छ।

- तिलबाट हुने बिभिन्न लाभ मध्ये यसको  उपभोग गर्दा शरिरलाई  प्राप्त हुने शक्ति (इनर्जी) पनि हो।

अतः तिलको लड्डु खादा हामीलाई पुरा दिनभरी नै चुस्त तथा फुर्तिलो बनाई राख्न मदत गर्दछ।
यिनै फाइदाहरु र खादा मिठो हुनुका साथै राष्ट्रको एक प्रमुख चाड को बिशेष परिकार समेत भएकोले अवश्य तिलको लड्डु खानुहोला।