तनाव रहित , स्वास्थ्य जीवन - दैनिक १५/२० मिनेट हिडडुल !

हीजोआजको जीवनशैली तथा खानपानको कारण हामीमा अनेकौ रोगहरु देखा पर्न थालेका छन्। अहिलेको ब्यस्त जिन्दगीमा हामीले आफ्नै स्वास्थ्यको राम्रोसँग देखभाल गर्न सकेका छैनौ अझ भन्दा देखभाल गर्दैनौ। यसैको कारण सानो उमेरमै बिभिन्न किसिमका गम्भिर प्रकृतिका रोगहरु लाग्न थालेको छ, जस्तै: अनावश्यक रुपमा मोटाउनु, डायबेटिज,अस्थामा,स्टोन,क्यान्सर तथा मुटु सम्बन्धि बिभिन्न रोगहरु । यदि दैनिक योग अभ्यास गर्ने, दैनिक एक्सरसाइज गर्ने अथवा दैनिक हिड्डुल गर्ने हो भनेपनि तेस्त रोगहरुबाट जोगिन सकिन्छ। तर त्यसको लागि पनि समय दिन सकिदैन भने, कमसेकम, खाना खाई सकेपछि १५/२० मिनेट जति हिड्यौ भने पनि यस्ता गम्भिर रोगहरुबाट बच्न सकिन्छ । त्यसरी स्वास्थ्य हुनुका साथै चुस्त तन्दुरुस्त हुने र फिट एण्ड फाइन रहन सकिन्छ।  भोजन गरिसकेपछि  दैनिक १५/२० मिनेट जति हिड्डुल गर्दा निम्न फाइदाहरु हुन्छन्:   
शरीर मोटाउने तथा तौल नियन्त्रण गर्छ : 

यदि खाना खाएपछि केही समय हिड्डुल गरिन्छ भने त्यसले अनावश्यक रुपमा शरीर मोटाउने कार्यलाई नियन्त्रण गरेर शरीरलाई चुस्त तथा फिट बनाउन सहयोग गर्दछ। यसरी हिड्दुल गर्दा हामीले खाएको खान सजिलो सँग चाडैनै डाईजेष्ट हुन्छ । यसो हुदा शरीरले आवश्यक उर्जा तुरुन्तै प्राप्त गर्छ र शारीरका हरेक अंगले आ-आफ्नो कार्य सुचारु रुपले गर्न थाल्छन। तर खाना खान साथ त्यतिकै बस्ने वा सुत्ने मानिसहरुको शरीरमा बोसो लाग्ने र अनावश्यक रुपमा तौल समेत बृद्धि हुन्छ। त्यसैले खानाखाई सकेपछि केही समय १५/२० मिनेट जति हिड्डुल गर्ने बानी बसालौं।  
तनाव हटाउछ : 
खाना खानेबितिकै काम गर्न थाल्दा शरीर तथा दिमाग दुवैमा प्रतिकुल प्रभाव पर्न जान्छ र कामको

बोझले गर्दा अनावश्यक रुपमा रिस उठ्ने, तनाव बढ्ने तथा निराश हुने (डिप्रेशन) जस्तो समस्या देखिन्छ। तर खाना खाएर केही समय हिड्डुल गर्ने गर्दा, अनावश्यक रुपमा रिस पनि उठ्दैन, रिस माथि नियन्त्रण गर्न सकिन्छ र अनावश्यक तनाव समेत हुन् दिदैन। त्यसैले काम गर्ने क्रममा कुनै कारण बस रिस उठेको खण्डमा गरिरहेको काम छोडेर केहि समय हिड्डुल गर्नाले उठेको रिस नियन्त्रण हुनुको साथै मस्तिष्क शान्त हुन्छ र पुनः सम्पूर्ण उर्जा लगाएर काम गर्न सकिन्छ। 
निन्द्रा राम्रोसँग लाग्छ :
राती खाना खानासाथ सुत्ने बानी स्वास्थ्यको लागि एकदमै हानीकारक हुन्छ। खाना खाएको कम्तिमा दुई घण्टा पछि मात्रै सुत्नु पर्छ र सकिन्छ भने खाना खाएर १५/२० मिनेट हिड्डुल गर्ने बानी बसालौ,  यसले राती राम्रोसँग निन्द्रा लाग्छ। 
खाना राम्रोसँग पचाउन मदत गर्दछ :
खाना खाने बितिकै सुत्ने, बसेर TV हेर्ने बानीले खाएको खाना राम्रोसँग पच्न पाउदैन र त्यसले पेटमा अनावश्यक ग्यास बन्न थाल्छ। पाचन क्षमत कमजोर वा ठिक नभएका व्यक्तिहरुमा मुख भित्र घाऊ उछ्रिने, अपच भएर पेट ढुस्स हुने, कब्जियत हुने, उल्टी हुने आदी शारीरिक समस्या देखिन्छ। त्यसैले यस्ता समस्याहरुको अचुक तथा उत्तम उपाय वा औषधि भनेको नै खाना खाएर केहि समय १५/२० मिनेट जति हिड्डुल गर्नु हो। 
हृदय तथा सुगर रोगमा फाइदा :
खाना खाने बितिकै हिड्डुल गर्नाले शरीर मात्रै  तन्दुरुस्त हुने नभई हाम्रो शरीरको प्रमुख अंग मुटु (हृदय) समेत स्वास्थ्य र तन्दुरुस्त रहन्छ। यसरी खाना खाएपछि हिड्डुल गर्दा ब्लडप्रेसर तथा कोलस्ट्रोल समेत नियन्त्रण हुन्छ। अझ सुगरका रोगीहरुले यसरी खाना खाएर अनिवार्य रुपमा केही समय हिड्डुल गर्नु पर्छ र यसरी हिड्दा हातहरु झट्काल्दै हिड्ने गर्दा बढी फाइदा हुन्छ। यस्तो गर्नाले शरीरले क्यालोरी बर्न गर्ने र खाना समेत सजिलै पच्दछ। 
अतः विचार गरौं, खाना खाने बितिकै सुत्ने बानी छ वा खाएर TV हेर्ने बानी छ भने सावधान ! आफ्नो बानीलाई केहि परिवर्तन गर्ने प्रयास गरौँ, यसले हाम्रो स्वास्थ्यलाई निकै फाइदा हुन्छ। त्यसैले आउनुहोस, खाना खाएर केहि समय १५/२० मिनेट जति हिड्डुल गर्ने बानी बसालौं र स्वास्थ्य रहौं।